MGA PABORITONG KONG PALABAS (drama)

 Isinulat ni Eunice Lou G. Mercado

1. Miracle in Cell No. 7 

    Ang Miracle in Cell No. 7 ay isang 2019 Filipino drama film na idinirek ni Nuel Crisostomo Naval at pinagbibidahan nina Aga Muhlach at Bela Padilla. Ang pelikula ay batay sa 2013 South Korean na pelikula na may parehong pangalan sa direksyon ni LeeHwan-kyung. Ang drama ay umiikot kay Lito (Aga Muhlach), isang lalaking may problema sa pag-iisip na maling inakusahan ng pagpatay sa anak ni Secretary Yulo (Tirso Cruz III) gayundin sa pagtatangka nitong mapanatili ang relasyon sa sarili nitong anak na si Yesha (Xia Vigor) sa tulong ng kanyang mga kasamahan. 

    Ire-rate ko ang Filipino adaptation ng Miracle in Cell No. 7 bilang 10/10. Talagang nagustuhan ko ang kanilang taos-pusong pagsasalaysay, mahusay na paggamit ng nakakatawang katatawanan, masiglang karakter, at mga cast na nagbigay ng nakakaantig na pagtatanghal. Ang mga eksena sa adaptasyon ay hindi masyadong naiiba sa orihinal na pelikula; ang diyalogo ay isinulat nang maayos, at ang pag-arte, pagdidirekta, at takbo ng kuwento ay lahat ay mahusay. 

    Irerekomenda ko ang pelikulang ito dahil ito ay isang kasiya-siyang drama ng pamilya na magpapangiti at magpapaiyak sa karamihan ng mga manonood nito.

Ang litrato na ito ay galing sa IMDb.

2. Seven Sundays

    Ang Seven Sundays ng Star Cinema ay umiikot sa kuwento ng pamilya Bonifacio, na ang bida ay si Manuel, (Ronaldo Valdez)  na na-diagnose sa nakamamatay na sakit. Nang makitang nawasak ang pamilyang itinayo niya kasama ang namayapa na niyang asawa, iisa lang ang hiling ni Manuel: makitang muli ang kanyang apat na anak na magkasama at muling magkakaugnay, masaya at naghahanap sa isa't isa, tulad noong mga bata pa sila.

    Gaya rin sa naunang pelikula, ire-rate ko ito bilang 10/10. Mahusay ang pagkakagawa, ang pag-arte, pagsasalaysay ng bawat diyalogo at totoong nakakaantig; halo-halo ang mararamdaman habang pinapanuod ang pelikulang ito.

Ang litrato na ito ay galing sa ABS-CBN Entertainment.

3. The Hows of Us

    Ang The Hows of Us ay ang pangatlong pelikula ng batikang direktor na si Cathy Garcia-Molina kasama sina Daniel Padilla at Kathryn Bernardo, o mas kilala sa tambalang “KathNiel“. Ang pelikulang ito ay, masasabi kong, umaabot sa damdamin ng mga manonood. Nakaramdam ako ng pinaghalong kilig, kasabikan, saya, panghihinayang, at higit sa lahat ay sakit habang pinapanood ito. Naka-ilang ulit na kong panood dito ngunit ganon pa man, nasasabik pa rin akong ulit-ulitin ito. 10/10 talaga! ^__^

Ang litrato na ito ay galing sa adobo magazine.

4. Seasons

    Nagsimula akong manood na may pakiramdam na "ay alam ko na ang mangyayari" dahil marami na kong napanood na dalawang magkaibigan tapos mapagtatanto nila na gusto pala nila yung isat-isa. Ngunit, nakakagulat na hindi ito natatapos sa paraang inaasahan 'ko; o sa paraang "typical" na napapalabas. Ito ay nagtapos sa isang makatotohanang, nakakataba ng puso, at magandang paraan. Hindi ito tungkol sa "love conquers all" kundi sa "friendship conquers all". Bukod dito, ito ay isang masayang pelikula sa una, na may konting katuwaan ngunit higit sa lahat ay may magagandang karakter na maari nating ma-relate kung gaano kasakit maging kaibigan lang. Charrr! 9.5/10.

Ang litrato na ito ay galing sa IMDb.