Kolonyalismo.

Pagkain at kolonyalismo

Bilang isang 21 taong gulang sa mundong ito, marami akong taong hinahangaan. Na sila ring halos parang alipin ng kolonyalismo. Yakap-yakap nila ang kultura ng mga dayuhan at atin din namang yinayakap pabalik. Usong-uso ngayon ang mga food vlogs o food reviews sa Tiktok, Youtube, Facebook at Instagram Reels. Samutsaring pagkain ang kanilang itinatampok ngunit mas lamang (sa mga napapanood ko) ang mga pagkaing hindi atin. Nariyan ang pag dayo nila sa mga samgyupan, ramen/noodle house, sushi bar, at marami pang iba. Para sa akin, ang pagkain ay isa sa pinaka malapit na paraan upang maranasan mo ang kultura ng iba. Kaya nga lang, may mga bagay kung saan masyado nating nilulunod ang sarili natin at nakakalimutang mayroon tayong sariling atin. 

Kung ako nga rin ang tatanungin, bilang pagpapakatotoo, mas pipiliin ko ang samgyup kaysa adobo. Ito ang nakakalungkot na reyalidad ngayon. 

Pananamit

Pag dating naman sa pananamit, naniniwala akong sa modernong mundong ito, wala na tayong authenticity. Lahat ng mayroon tayo ay kopya lamang galing sa Korea, Japan, USA, at iba't-ibang mundo. Sa tiktok, may nauusong tiktok trend kung saan nakasuot ng fur coat at hat ang nasa bidyo. Sikat ito ngayon sa Pilipinas kahit na mainit naman ngayon dito. Isa itong pahiwatig kung gaano tayo kadaling sumunod sa yapak ng ibang lahi. 

Musika

Ang musika ay isang paraan para makipag kumunika. Marami ring ibang lahi ang nabibighani sa tunog at boses ng mga Pilipinong mang aawit. Ang kolonyalismo ay may malalim na epekto sa kasalukuyang musika ng mga Pilipino pati na rin sa kanilang mga tagapakinig. Sa mga taon ng pananakop, dala ng mga dayuhang kultura at musika, nabuo ang isang kumbinasyon ng mga istilo at elemento na nakaimpluwensya sa modernong musika ng Pilipinas. Ang pagpasok ng iba't ibang kultura, gayundin ang pag-usbong ng teknolohiya at globalisasyon, ay nagdulot ng pagbabago sa panlasa ng mga tagapakinig at sa uri ng musika na kanilang hinahanap at tinatangkilik. May mga aspeto ng tradisyunal na musika ng Pilipinas na nanatili, ngunit sa kasalukuyan, kitang-kita rin ang impluwensya ng iba't ibang kultura sa musikang Pilipino, nagbibigay ng isang mas malawak at eclectic na hanay ng tunog na tinatangkilik ng mga tagapakinig.

Ugali

Maraming Pilipino ngayon na ang ugali ay parang hindi Pilipino. May mga batang hindi marunong mag-kamay kung kumain, mag mano, o gumamit ng po at opo. Lahat ng ito ay nangyari dahil may mga aspeto ng dayuhan kultura na naging bahagi ng modernong pananaw ng mga Pilipino. Kasama na rito ang paraan ng pananalita, pananamit, at iba pang mga kaugalian. Sa kabilang banda, ang proseso ng pagpapalaya mula sa pananakop ay nagbigay-daan sa pagpapalakas ng pambansang identidad at pagpapahalaga sa sariling kultura ng mga Pilipino. Sa kasalukuyan, nakikita ang halong impluwensya ng dayuhan at pambansang kultura sa pananaw ng mga Pilipino, na naglalarawan ng isang malawak at mayaman na kolektibong pagkakakilanlan.